Astanada M. Platını ÝEFA-nyń balalar qoryn tanystyrdy
ASTANA. QazAqparat - ÝEFA bastamasymen balalar qory quryldy. Bul týraly búgin Astanada uıymnyń XXXVIII Kongresinde ÝEFA prezıdenti Mıshel Platını málim etti.
Onyń aıtýynsha, atalmysh qor ulttyq qaýymdastyqtar arqyly jergilikti talantty balalardy jattyqtyrýǵa baǵyttalmaq.
"Aldyńǵy kúni ÝEFA-nyń Atqarýshy komıteti atalǵan qordy qurý týraly qujatqa qol qoıdy. Endi biz ıgi is jasap jatqanyn túsinetin adamdarmen birge bul jobany úlken yntamen atqaratyn bolamyz", - dedi ol kongress qatysýshylarynyń aldynda.
Platınıdiń sózine qaraǵanda, qor Eýropada jáne barlyq álem elderindegi muqtaj balalardy qarjylandyrý baǵdarlamalaryna baǵyttalady.
"Árbir ulttyq qaýymdastyq arqyly óz elderinde bir nemese birneshe balalar qorlaryn túgelimen nemese jartylaı qarjylandyrý tetikteri jasalady", - dedi ol.
