Astanada M. Óztúriktiń 60 jyldyǵyna arnalǵan taekvandodan Qazaqstan chempıonaty bastaldy
ASTANA. QazAqparat - Astanadaǵy «Dáýlet» sport kesheninde M. Óztúriktiń 60 jyldyǵyna arnalǵan jasóspirimder men eresekter arasynda taekvandodan Qazaqstan chempıonaty bastaldy.
Birinshilikke Qazaqstannyń barlyq óńirlerinen jáne Astana, Almaty qalalarynan 260 sportshy keldi. Taekvando federatsııasynyń habarlaýynsha, jeńimpazdar elimizdiń negizgi quramasyna alynady jáne kelesi jyly Chelıabide ótetin álem chempıonatynda Qazaqstan namysyn qorǵamaq.
«Bıylǵy týrnırlik baǵdarlamany Qazaqstan chempıonatymen támamdap otyrmyz. Menińshe osy birinshilik jyldyń tamasha núktesi bolmaq», - dedi Qazaqstannyń taekvando federatsııasynyń prezıdenti Vıacheslav Kım týrnırdiń ashylýynda.
