Astanada M.Báıtenovtyń derbes kórmesi ashyldy
; ASTANA. Qarashanyń 13-i. QazAqparat /Quralaı Orynbekqyzy/ - Búgin elordanyń Qazirgi zaman óner murajaıynda QR Sýretshiler odaǵynyń múshesi, QR eńbegi sińgen mádenıet qaıratkeri, keskindemeshi jáne grafık Májıt Báıtenovtyń derbes mereıtoılyq kórmesi ashyldy,
dep habarlaıdy QazAqparat tilshisi.
Kórmege M.Báıtenovtyń 40-qa jýyq eńbegi qoıylǵan. Bul onyń 1975-2009 jyldary salǵan týyndylary. M.Báıtenov 1973 jyly alǵashqy ret elimizde iri keskindemelik týyndylarynda halyqtyq dekoratıvti-qoldanbaly óneriniń tásilderin paıdalandy. Keıingi jyldary bul prıntsıp Qazaqstan beıneleý ónerinde keńinen paıdalanyla bastady. Onyń shyǵarmalary baspa betterinde, arnaıy kórkem basylymdarda jarııalanǵan.
M.Báıtenov shyǵarmalary Á.Qasteev atyndaǵy memlekettik beıneleý óneri murajaıynda, Almaty qalasynyń J.Shardenov atyndaǵy óner murajaıynda, Qaraǵandy, Pavlodar oblystyq beıneleý óneri murajaılarynda, Qazaqstan, Reseı, Germanııa, AQSh-ta jáne taǵy basqa elderdegi jeke kollektsııalarda saqtalýda.
