Astanada LRT jelisine dybys kedergisi qoldanylady

ASTANA. KAZINFORM – Astanadaǵy jeńil relsti kólik júıesiniń (Astana LRT jobasy) qorshaǵan ortaǵa áserin azaıtý maqsatynda dybys kedergisi qoldanylady.

Qytaılyq China construction kompanııasy sheteldik bıznes departamentiniń bas menedjeri Han ıÝlonnyń aıtýynsha, kompanııa «móldir sý men jasyl taý – qundy baılyq» jasyl qurylys kontseptsııasyn negizge ala otyryp, qorshaǵan ortany qorǵaýǵa basty mán beredi.

- Poıyz turǵyn úıler jáne áleýmettik nysandarǵa jaqyn aımaqtardan ótken kezde shýly dybysty tıimdi azaıtý úshin «amortızatsııalyq jol tósemi + dybys tosqaýyly» tehnologııasyn qoldanyp, poıyzdyń shýyn 35 detsıbelden tómen túsirý oılastyrylǵan, - dedi Han ıÝlon.

Aıta keteıik, buǵan deıin Astanadaǵy jeńil relsti kólik júıesiniń (Astana LRT jobasy) jerústi negizgi qurylys jumystary qashan aıaqtalatynyn jazǵan edik.