Astanada LRT jelisi Qosshyǵa qaraı uzartylady

ASTANA. KAZINFORM – Elorda ákimi Jeńis Qasymbek LRT jelisin Qosshyǵa qaraı keńeıtý jospary týraly aıtyp berdi. Bul týraly qala basshysy Nura aýdanynda turǵyndarmen kezdesýde málimdedi.

J.Qasymbektiń aıtýynsha, kún saıyn Qosshydan Astanaǵa shamamen 15-20 myń avtokólik kirip-shyǵady. Sondyqtan LRT qurylysynyń kelesi kezeńi dál osy baǵytta josparlanǵan.

Bul rette Qosshyǵa qaraı tartylatyn bólikti 1,5 jylda aıaqtaý josparlanyp otyr.

Sondaı-aq, ákimniń aıtýynsha, jeliniń taǵy bir tarmaǵy Syǵanaq kóshesi arqyly Turan dańǵylyna deıin júrgiziledi de, qalanyń eski bóligi arqyly temirjol vokzalyna deıin tartylady.

Buǵan deıin Jeńis Qasymbek burynǵy TsÝM ǵımaratyn jóndeýdi kim qarjylandyratynyn aıtqan edi.

29 qyrkúıekten bastap, Astanada LRT synaq rejıminde paıdalanyla bastady.

Sonymen birge, LRT jolynyń keıbir bóligine elektr qýaty berildi.