Astanada LRT-nyń alǵashqy daıyn stansasy kórsetildi
ASTANA. KAZINFORM – CTS kólik kompanııasy Astana halyqaralyq áýejaıy mańynda Qabanbaı batyr dańǵyly boıynda ornalasqan LRT stansalarynyń birin kórsetti.
«City Transportation Systems» JShS baspasóz qyzmetiniń habarlaýynsha, № 101 jobalyq ataýymen belgili stansasynda árlendirý jumystarynyń barlyǵy aıaqtaldy. Sondaı-aq metall konstrýktsııalar montajdalyp (497,51 tonna), syrty arnaıy materıaldarmen qaptaldy (4 765 m²).
LRT-nyń bolashaq stansasy eskalatorlarmen, lıfttermen jolaýshylar úshin yńǵaıly ınteraktıvti ekrandarmen jabdyqtalǵan.
LRT jelisi jerdegi (11 stansa) jáne jerústi (jeti stansa) bolyp bólinetin eki deńgeıli zaldary men platformalary bar 18 stansadan turady.
Kompanııanyń baspasóz qyzmeti Syǵanaq (eki stansa), Qaldyaıaqov (tórt stansa) kóshelerinde jáne «Nurly jol» temirjol vokzaly aýdanynda (bir stansa) ornalasqan stansalardy jol ortasyna qaraı ornalasýy erekshelendirip turǵanyn jetkizdi. Olarǵa jetý qaýipsiz bolýy úshin jeti stansanyń árqaısysyna ekiden jerústi ótkelderin salý qarastyrylǵan.
Stansalardyń barlyǵyn 2025 jyldyń sońyna deıin salý josparlanǵan jáne oǵan kiretinder:
Nysannyń aınalasyn montajdaý,
jerústi ótkelderin salý,
ishki árleý jumystary,
jaqyn aımaqty kógerishtendirý,
Osyǵan deıin LRT qurylysyna alǵashqy rels tóselgeni týraly jazdyq.
Sondaı-aq elordaǵa LRT poıyzdary qashan jetkiziletini habarlandy.