Astanada LRT qashan iske qosylatyny belgili boldy
ASTANA. KAZINFORM – Elordadaǵy LRT 16-17 mamyr kúnderi iske qosylyp, jolaýshylar tasymalyn bastaıdy. Bul týraly «City Transportation Systems» JShS basqarma tóraǵasy Asylbek Dúısebaev málimdedi
– Bastapqy kezeńde jolaýshylar aǵyny 25-45 myń adam shamasynda bolady dep boljap otyrmyz, – dedi Asylbek Dúısebaev.
Sondaı-aq ol stantsııalarda kommertsııalyq nysandar ornalastyrý qarastyrylmaǵanyn aıtty. Onyń sózinshe, bul sheshim tehnologııalyq jáne órt qaýipsizdigi talaptaryna baılanysty qabyldanǵan.
Aıta keteıik, buǵan deıin Astana ákimi Jeńis Qasymbek LRT jelisindegi synaq jumystary aıaqtalyp, júıe paıdalanýǵa daıyn ekenin habarlaǵan edi.
