Astanada lombardty tonamaq bolǵan kúdiktini tergeý júrip jatyr
«Lombardqa qaraqshylyq jasamaq bolǵan adam ǵımarattan shyǵaryldy. Qazirgi kezde tıisti sharalardyń aıasynda ony tergeý amaldary júrip jatyr», - dedi S. Qylyshbekova.
Naqtylanǵan málimetter boıynsha, kúdikti 1974 jylǵy Astana turǵyny. Operatsııa júrgizý barysynda ustalǵan adamnan pnevmatıkalyq qarý tárkilenip, ballıstıkalyq saraptamaǵa jiberildi.
Atalǵan lombardtyń eki qyzmetkeri aman-esen bosatyldy. Atap aıtqanda, 2,5 saǵat kelissózder júrgizilip, kúdikti polıtsııaǵa qarsylyq kórsetken joq. Jalpy eshkim de zardap shekpedi.
Onyń sózine qaraǵanda,lombardqa múliktik zaqym kelgen joq. Kúdiktimen aradaǵy kelissózder telefon arqyly júrgizilgen kórinedi.
Eske sala keteıik, búgin Kenesary kóshesinde «Spýtnık» dúkeni aýdanynda ornalasqan «M-Lombardty» tonaýǵa áreket jasaldy. Іshke basyp kirý kezinde dabyl tetigi iske qosylyp, esik avtomatty túrde qulyptalyp, ishte kúdikti jáne eki lombard qyzmetkeri qamalyp qaldy. Atalǵan lombardta kúzetshi bolmaǵan, ıaǵnı ǵımarattyń dabyl belgisi qashyqtan kúzet fırmasyna qosylǵan eken.
Jedel is-sharalarǵa qalanyń barlyq shuǵyl qyzmetteri tartyldy. Shara ishki ister mınıstriniń birinshi orynbasary Marat Demeýovtiń basshylyǵymen júrgizildi. Qaraqshy arnaıy qyzmetter jaýyngerleri ǵımarattyń ishine kirgennen keıin ustaldy.
Qazirgi kezde QR QK-niń 192 baby - "Qaraqshylyq" jáne QK-tiń 261-baby - "Kepilge alý" boıynsha sot aldyndaǵy tergeý júrip jatyr. Tıisti saraptamalar taǵaıyndaldy. Tergeý amaldary júrgizilýde.
