Astanada lombardty tonamaq bolǵan kúdikti ustaldy (FOTO)
ASTANA. QazAqparat - Astanada lombardty tonamaq bolǵan kúdikti ustaldy. Bul týraly búgin oqıǵa ornynda QazAqparat tilshisine Astana ІІD baspasóz qyzmetiniń jetekshisi Sofıa Qylyshbekova málim etti.
«Qazirgi ýaqytta 1979 jyly dúnıege kelgen kúdikti ustaldy. Ol elorda turǵyny ekeni anyqtaldy. Endi tergeý amaldary júrgiziledi. Atalǵan lombardtyń eki qyzmetkeri aman-esen bosatyldy. Atap aıtqanda, kelissózder júrgizilip, kúdikti polıtsııaǵa qarsylyq kórsetken joq. Jalpy eshkim de zardap shekpedi, - dedi S. Qylyshbekova.
Onyń sózine qaraǵanda,lombardqa múliktik zaqym kelgen joq. Kúdiktimen aradaǵy kelissózder telefon arqyly júrgizilgen kórinedi.
«Barlyq tergeý amaldary júrgizildi, atalǵan adamnyń qylmystyq áreketi boıynsha aıyp taǵylady», - dedi ol.
Eske sala keteıik,búgin Kenesary kóshesinde «Spýtnık» dúkeni aýdanynda ornalasqan M-Lombardty tonaýǵa áreket jasaldy. Іshke basyp kirý kezinde dabyl tetigi iske qosylyp, esik avtomatty túrde qulyptalyp, ishte kúdikti jáne eki lombard qyzmetkerleri qamalyp qaldy.
Sondaı-aq baspasóz qyzmeti bul lańkestikpen baılanysty emes, qatardaǵy tonaý oqıǵasy ekenin atap ótti.
