Astanada lombard tonaldy
ASTANA. QazAqparat - Astanalyq polıtseıler qaladaǵy lombardtardyń birine shabýyldady degen kúdiktilerdi ustady, dep habarlaıdy QazAqparat ІІD baspasóz qyzmetine silteme jasap.
Polıtsııaǵa jazǵan shaǵymynda qala turǵyny lombardqa shabýyldaǵan belgisiz tulǵalar 2 mln teńge mólsherinde aqsha jáne jalpy quny 1,5 mıllıon teńge bolatyn birneshe uıaly telefondy qoldy etkenin jetkizdi.
Tártip saqshylary is boıynsha eki kúdiktini ustady. Onyń biri - qala turǵyny, ekinshisi - Qostanaı oblysynyń týmasy bolyp shyqty.
«Tergeý kezinde kúdiktiler aıybyn moıyndady. Qazirgi kezde QR Qylmystyq kodeksiniń «Urlyq» babyna sáıkes sotqa deıingi tergep-tekserý jumystary júrip jatyr. Ustalǵandar qamaýǵa alyndy. Olardyń qala aýmaǵyndaǵy osy taqylettes basqa qylmystarǵa qatysy bar-joǵy anyqtalyp jatyr», - delingen habarlamada.
