Astanada lıftidegi aqaýlar 40 mınýtta joıylatyn bolady
ASTANA. QazAqparat - iKomek ortalyǵy men QR Lıft kompanııalary qaýymdastyǵy yntymaqtastyq týraly kelisim jasady. Oǵan sáıkes, elorda turǵyn úılerindegi lıftilerdiń aqaýlary 20-40 mınýttyń ishinde joıylatyn bolady, dep habarlaıdy QazAqparat tilshisi.
«QR Lıft kompanııalary qaýymdastyǵy elordadaǵy 22 lıft uıymynda jedelsatylardyń jumystary men olarǵa qyzmet kórsetý boıynsha talaptar men standarttardy belgiledi. Osylaısha qaladaǵy barlyq lıft qondyrǵylarynyń 80% qamtymaq. Kelisim aıasynda lıftilerdegi aqaýlardy joıý ýaqyty habar túsken sátten bastap 20-40 mınýtty quraıdy», - delingen habarlamada.
Atalyp ótilgendeı, qala turǵyndary iKomek ortalyǵyna nemese lıft uıymdarynyń dıspetcherlik qyzmetterine tikeleı habarlasa alady.
Aqparat boıynsha, 2018 jyldyń basynan beri iKomek ortalyǵyna elordadaǵy lıft kompanııalarynyń qyzmeti boıynsha 2216 habar túsken.
