Astanada lıft shahtasyna qulaǵan muǵalim qutqaryldy

ASTANA. KAZINFORM - Elordalyq qutqarýshylar mekteptegi lıft shahtasyna qulaǵan muǵalimdi qutqaryp qaldy.

15 maýsym saǵat 9:24-te elordalyq TJD qutqarýshylary B.Momyshuly 1/1 mekenjaıyna shyqty.

«Qutqarýshylardyń kelip jetýi boıynsha mekteptiń lıft shahtasyna muǵalimniń túsip ketkeni anyqtaldy. Mamandar kómegimen 1986 jyly týǵan áıel lıft shahtasynan qutqarylyp, ary qaraı qala aýrýhanalardyń birine jetkizildi», - dep jazylǵan qalalyq TJ departamentiniń resmı habarynda.

Belgili bolǵandaı, muǵalimniń jaǵdaıy orta deńgeıde. Oqıǵanyń mán-jaıy anyqtalýda.