Astanada lıft monıtoryn syndyrǵan buzaqy ustaldy
ASTANA. QazAqparat - Astana polıtsııasy belsendi turǵyndardyń kómegimen lıft ishindegi beınekamera monıtoryn syndyrǵan kúdiktini ustady, dep habarlaıdy QazAqparat Astana ІІD baspasóz qyzmetine silteme jasap.
Eske sala ketsek, Astana polıtsııasy turǵyn úılerdiń birinde lıfttiń monıtoryn buzǵan er adamǵa izdeý salǵan edi.
«Astanalyq JOO-lardyń birinde oqıtyn 19 jastaǵy kúdikti turǵyn úı kesheniniń lıft kabınasyna ornatylǵan monıtordy qasaqana syndyrǵan. Bul monıtorlar qoǵamdyq qaýipsizdikti saqtaý men qalalyq lıftilerdiń jaǵdaıyn onlaın-baqylaý maqsatynda qoıylǵan. Monıtor beınebaqylaý kamerasymen jabdyqtalǵan jáne kúdiktiniń bet-beınesi sol kameraǵa túsip qalǵan», - delingen Astana ІІD baspasóz qyzmetiniń habarlamasynda.
Qazirgi ýaqytta tergeý sharalary júrip jatyr.
