Astanada Lexus avtobýspen soqtyǵysty
ASTANA. QazAqparat - Astanada Pýshkın men Tsıolkovskıı kósheleriniń qıylysynda Lexus markaly kólik № 51 avtobýspen soqtyǵysty, dep habarlady «QazAqparat» HAA Astana ІІD baspasóz qyzmetiniń basshysyna silteme jasap.
«26 naýryzda oryn alǵan apat faktisi boıynsha polıtseıler tekserý júrgizýde. Lexus kóliginiń 1997 jyly týǵan júrgizýshisi qarsy jolǵa shyǵyp ketip, №51 avtobýspen soqtyǵysty», - dedi ol.
Onyń aıtýynsha, apat saldarynan eshkim zardap shekken joq, eshkim medıtsınalyq kómekke júginbedi.
«Avtobýstyń ishinde jolaýshy bolmaǵan, ol endi ǵana marshrýtqa shyqpaqshy bolǵan», - dep túsindirdi ol.
