Astanada «Levıtatsııa sabaqtary» atty kórkem sýret kórmesi ótedi
ASTANA. 19 qazan. QazAqparat - Astanada 21 qazanda Elena jáne Vladımır Grıgorıannyń «Levıtatsııa sabaqtary» atty kórkem sýret kórmesi ashylady. Bul týraly astana.kz saıtyna «Has Sanat» óner galereıasynyń baspasóz qyzmetinen habarlady .
Kórmege qoıylatyn 25 kartınanyń basym bóliginde bıblııa keıipkerleri - perishteler, apostoldar, baqsylar men jıhangerler beınelengen. Elena men Vladımır Grıgorıan Almatyda turady. Olar shyǵarmashylyqty oqytý qyzmetimen qatar alyp júr. Sýretshilerdiń shyǵarmalary Avstralııa, Anglııa, AQSh, Vengrııa, Izraıl, Indonezııa, Reseı, Qazaqstan elderinde jeke kollektsııalarǵa engen. Sonymen qatar, Krechen galereıasy, Kórkem sýret kórmeleriniń dırektsııasy (Almaty), Nevzorovtar áýletiniń beıneleý óneri murajaıy (Semeı), Mańǵystaý ólketaný murajaıy, «Táńiri Umaı» qazirgi zamanǵy óner galereıasynyń (Almaty) murajaı jınaqtarynda da bar.
Taqyryptar boıynsha Elena men Vladımırdiń ózindik túsinikteri, erekshelikteri qalyptasqan. Sondaı-aq, olardy biriktiretin de qasıet bar.
Aıta keteıik, kórme «Has Sanat» óner galereıasynda 21 qazan - 14 qarasha aralyǵynda ótedi.
