Astanada «Lazýrnyı kvartal» TK órtendi. Balalar jalyn ortasynda qaldy
ASTANA. QazAqparat - Astanada «Lazýrnyı kvartal» turǵyn úı keshenindegi páterlerdiń birinen órt shyqty. Páter ishinde balalar bolǵan, dep habarlaıdy QazAqparat tilshisi QR ІІM Tótenshe jaǵdaılar komıtetine silteme jasap.
«Búgin, saǵat 10:41-de Saraıshyq kóshesindegi 14 páterli «Lazýrnyı kvartal» turǵyn úı kesheniniń 10-qabatynan órt shyqqany týraly habarlama tústi. Páterdiń jatyn bólmesinde kıim-keshek órtengen», - dep habarlady QR ІІM TJ komıtetiniń resmı ókili Rýslan Imanqulov.
Onyń aıtýynsha, jalynnyń taralýy jarty saǵatta toqtatylyp, taǵy 6 mınýttan keıin ol tolyǵymen sóndirildi. Osynyń arqasynda páterde bolǵan eki bala qutqaryldy.
Órt aýmaǵy 18 sharshy metrdi qurady. Tilsiz jaýdy aýyzdyqtaýǵa elordalyq órt sóndirý qyzmetiniń 16 adamy men 4 tehnıkasy jumyldyryldy.
Zardap shekkender joq.
