Astanada laıyqty eńbek shartyn qamtamasyz etý maqsatynda úshjaqty kelisimge qol qoıyldy
ASTANA. QazAqparat - Búgin elorda ákimdiginde Astana qalasynyń ákimdigi, Kásipodaqtar ortalyǵy men jumys berýshilerdiń qalalyq birlestikteri arasyndaǵy 2015-2017 jyldarǵa arnalǵan kelisimge qol qoıyldy, dep habarlady astana.gov.kz.
Kelisimge Astana qalasy ákiminiń orynbasary Ermek Amanshaev, Astana qalasy Kásipodaqtar ortalyǵynyń tóraǵasy Sársenbaı Myńbaev, Astana qalasy kásipkerler palatasy dırektorynyń orynbasary Aıtýǵan Omarov jáne astanalyq jumys berýshiler odaǵynyń tóraǵasy Aleksandr Jıtnıkov qol qoıdy. Astana qalasy ákiminiń orynbasary E. Amanshaev 11 aqpan kúni ótken keńeıtilgen otyrysta Memleket basshysy N. Nazarbaev kompanııa basshylaryna jumys oryndaryn saqtaýdy buıyrǵanyn atap ótti: «Búgingi Kelisim nátıjesinde biz Elbasynyń halyqty jumyspen qamtý jónindegi tapsyrmalaryn muqııat oryndaýymyz qajet, ol úshin «Nurly jol» baǵdarlamasyn júzege asyrý arqyly otandyq óndirýshilerge úlken múmkindikter berilgen», - dedi ol. Taraptar kelisim arqyly áleýmettik eńbek qatynastaryn retteýdegi, eńbek qatynastary salasynda jáne jumyskerlerdi áleýmettik qamtamasyz etýge septik jasamaq. Bul úrdister halyqty jumyspen qamtý jáne eńbek resýrstaryn damytý salasynda áleýmettik áriptestiktiń tıimdi ózara is-qımylymen qoldaýǵa ıe bolýǵa tıis.
