Astanada «Láıli-Májnún» spektakli sahnalanady
ASTANA. QazAqparat - Q.Qýanyshbaev atyndaǵy memlekettik akademııalyq qazaq mýzykalyq drama teatry 27-28 aqpan kúnderi kórermen nazaryna ázerbaıjan aqyny, oıshyl Gánjaýı Nızamıdiń «Láıli-Májnún» poemasynyń premerasyn usynady, dep habarlaıdy QazAqparat Elorda Infoǵa silteme jasap.
Spektakldiń rejısseri - Tájikstannan arnaıy shaqyrtylǵan tanymal dramatýrg, rejısser, teatr jáne kıno akteri - Barzý Abdrazzakov. Onyń sahnalyq qoıylymdary halyqaralyq teatr festıvalderinde talaı márte bıik tuǵyrdan kóringen. Spektakldiń qoıýshy sýretshisi - Qanat Maqsutov.
Shyǵysta asa tanymal bolǵan Nızamıdiń «Láıli-Májnún» dastany arabtyń ýzra taıpasynyń ańyzdarynyń negizinde týǵan uly mahabbat taqyrybyn jyrlaıdy.
«Keıbir ǵalymdar «Láıli - Májnún» jyryn sopylyq poezııa úlgisinde jazylǵan, sımvoldyq máni tereń jyr dep tanıdy. «Májnún» sózi «esinen adasý» degen maǵyna beredi», - deıdi zertteýshiler.
Nızamıdiń «Láıli-Májnún» atty álemge áıgili poemasynyń negizinde alǵash ret Qallekı teatrynda sahnalanatyn spektaklde búginde kórermenniń ystyq yqylasyna bólenip júrgen teatr ártisteri - Dárýish rólinde - E.Nurymbet, Láıli - I.Ábenova, A.Serkebaeva, Májnún - O.Jaqypbek, ıbn-Salam - J.Ospanov, Májnúnniń ákesi QR eńbek sińirgen artısi Q.Qystyqbaev, Májnúnniń anasy - QR Memlekettik syılyqtyń laýreaty A.Nógerbek, Láıliniń anasy - B.Maqsutova, Z.Qarına, Láıliniń ákesi - M.Qaısanov, sondaı-aq, spektaklde N.Esen, A.Jetpisbaeva, E.Aıtmuqashev, E.Janpeıisov sııaqty jas ártister oınaıdy.
