Astanada latyn álipbıimen jazylǵan kóne kitaptardyń kórmesi ótti
ASTANA. QazAqparat - «Qazaqstan-2050» jalpyulttyq qozǵalysy» QR Ulttyq akademııalyq kitaphanasymen birlesip, Astanadaǵy «MEGA Silk Way» ǵımaratynda 1929-1940 jyldary latyn álipbıimen jazylǵan kitaptardyń kórmesin ótkizdi. Atalǵan shara «Men qoldaimyn» atty taqyryppen kırıllıtsa negizindegi qazaq álipbıin latyn álipbıine kóshirýge qoldaý bildirý maqsatynda ótkizilip otyr, dep habarlaıdy «QazAqparat» HAA tilshisi.
Kórmege ótken ǵasyrdyń 30-40 jyldaryndaǵy qazaq jáne orys zııaly qaýym ókilderiniń latyn álipbıinde jazylǵan 100-ge jýyq kitaby qoıylǵan. Olardyń arasynda A. Qunanbaıulynyń, І. Jansúgirovtyń, S. Toraıǵyrovtyń, B. Maılınniń kitaptary, M.Áýezovtyń «Tas túlek» kitaby, S. Keńesbaevtyń «Álippesi», Q. Bekhojınniń «Ádebıettik oqý kitaby», A. Kabanovtyń «Anatomııasy», orys jazýshylary men túrli ǵylym ókilderiniń qazaq tiline aýdarylǵan oqýlyqtary bar.
«Іlgeri damyp ketken Túrkııanyń tarıhyndaǵy reformalar kezeńinde túrikter eń aldymen latyn álipbıine kóshýdi qolǵa aldy. Sol qatarly ózgeristi engizgennen keıin Túrkııa iri memleketke aınalyp otyr. 1929-1940 jyldary Qazaq KSR-da latyn álipbıinde oqýlyqtar da, ádebı kitaptar da bolǵan. Munyń bári tarıhymyzda bar dúnıe. Búgingi tańda Elbasy usynys joldap, aldaǵy on jylda Qazaqstanda latyn álipbıine evolıýtsııalyq jolmen kóshý kózdelip otyr. Álbette, bastapqy kezeńde qıynshylyqtar bolýy múmkin. 2007 jyldan beri latyn álipbıine ótip ketken memleketterdiń tájirıbesi zerttelip keledi. Bolashaqty oılasaq, latyn álipbıine kóshýimiz kerek. Bul kórme arqyly halqymyzǵa latyn álipbıi bóten emes ekenin kórsete alamyz degen oıdamyn», - QR Ulttyq akademııalyq kitaphanasynyń ǵylymı hatshysy, tarıh ǵylymdarynyń doktory, professor Kamal Býrhanov.
Ulttyq akademııalyq kitaphanada qazirgi ýaqytta ótken ǵasyrdyń 30-40 jyldary jazylǵan 1000-ǵa jýyq kitap saqtalǵan. Olar kitaphananyń erekshe qoryna engizilgen. ıAǵnı, bul kitaptarǵa ruqsatsyz ekiniń biriniń qoly jete bermeıdi.
Kórmede sóz sóılegen «Qazaqstan-2050» jalpyulttyq qozǵalysy» keńesiniń tóraǵasy Muhtar Mankeev kórmeniń keshke deıin jalǵasatynyn aıtyp, óńirlerde osy mazmundas sharalardy ótkizýge shaqyratynyn habarlady.
