Astanada las kólikterge aıyppul salynyp jatyr
ASTANA. 10 sáýir. QazAqparat - Astanada syrty lastanǵan avtokólikterdiń qozǵalysy qatań baqylanýda.
Ásirese sońǵy kúnderi quqrylys alańynan shyǵatyn júk kólikteri men avtobeton aralastyratyn mashınalarǵa polıtseıler qyraǵylyq tanytýda. Bul týraly elordalyq ІІD Jol polıtsııasy basqarmasynyń baspasóz qyzmetinen habarlandy.
«Ondaı kólikterdiń dońǵalaqtary men korpýsy qurylys balshyqtarynan tazartylǵan bolýy kerek. Qoldanystaǵy qurylys normalary men erejelerine sáıkes, qurylys nysandary kólik jýatyn jabdyqtarmen qamtylyp, úlken júk mashınalarynyń dońǵalaqtary nysannan shyǵar aldynda taza shaıylýy shart», - delingen baspasóz paraǵynda.
Eske salsaq, Ákimshilik kodekstiń 485-babyna sáıkes, qaladaǵy avtokólik joldaryn lastaǵany úshin jeke tulǵalarǵa salynatyn aıyppul mólsheri 1-2 aılyq eseptik kórsetkish, al zańdy tulǵalar úshin 20 AEK-ge deıin belgilengen. Іri kásipkerlik sýbektisi bolyp tabylatyn zańdy tulǵalar úshin aıyppul 20-30 AEK shamasynda bolyp otyr.
