Astanada lańkestikpen kúreske baǵyttalǵan konferentsııa óz jumysyn qorytyndylady
ASTANA. Qazannyń 15-i. QazAqparat /Aıdar Ospanalıev/ - Búgin elordada ótip jatqan lańkestikke qarsy kúres máselesine arnalǵan konferentsııa barysynda lańkestiktiń aldyn alýǵa baǵyttalǵan Astana deklaratsııasy jarııa etildi. Bul týraly lańkestikpen kúreske baǵyttalǵan konferentsııadan soń jýrnalısterge suhbat bergen Syrtqy ister mınıstrliginiń Eýropadaǵy qaýipsizdik jáne yntymaqtastyq uıymy departamentiniń dırektory Serjan Ábdikárimov málim etti.
Onyń sózine qaraǵanda, Qazaqstan halyqaralyq uıymǵa tóraǵa retinde qaýipsizdik máselesine úlken mán berip otyr. Sonymen qatar elimiz álemdegi shıelenisken aımaqtardaǵy jaǵdaılardy retteýge de barynsha kúsh salyp otyr. «Osy oraıda biz búgin ózara pikir almasyp, qundy usynystardy tyńdap tájirıbe almastyq. Endi búgingi jıynda kóterilgen máselelerdiń barlyǵy qazannyń 18-i men 26-sy aralyǵynda Venada ótetin áskerı-saıası ólshemder jónindegi konferentsııa barysynda pysyqtalatyn bolady. Sonymen birge ol elimizde ótkizilgeli otyrǵan EQYU-nyń sammıtinde de tıisti sheshimder qabyldaýda eskeriletin bolady», - dedi departament dırektory.
