Astanada lańkestikpen kúres máselelerine arnalǵan dóńgelek ústel otyrysy ótti

Shara barysynda Mádenıet mınıstrliginiń ókili Danııar Musabekov otyrysqa qatysýshylarǵa eldegi dinı ahýalǵa qatysty jaǵdaı jóninde baıandasa, Ulttyq qaýipsizdik komıtetiniń Astana qalasy boıynsha departamentiniń bastyǵy Mıhaıl Bemenov pen Ortalyq aımaqtyq kólik prokýrorynyń kómekshisi Erlan Shaldybaev lańkestikpen kúres tájirıbelerimen bólisip, qalada oryn alýy yqtımal qaýip-qaterler jóninde áńgimeledi.

Qazaqstandaǵy dástúrli emes din ókilderiniń qyzmeti men olardyń qoǵamǵa teris yqpaldary sııaqty máseleler jónindegi málimetterimen «Areal» din máseleleri jónindegi qoǵamdyq qordyń prezıdenti Aıman Rústembekova tanystyrdy. Al Ádilet mınıstrliginiń Áleýmettik zertteýler bóliminiń bastyǵy Galına Novıkova dástúrli emes jáne ózge din ókilderiniń elimizdiń azamattaryn qandaı jolmen jáne ne maqsatpen tartatyndyǵy, sondaı-aq olardan saqtaný joldary jóninde tártip saqshylaryna dáris oqydy.

Otyrys barysynda sondaı-aq tártip saqshylaryna temir jol men kólikpen baılanysty nysandardy jarylǵysh zattar tabyla qalǵan jaǵdaıda nemese lańkestik áreketter jóninde qandaı da bir kúdik paıda bolǵanda birinshi kezekte qandaı sharalar qolǵa alynýy qajettigi týraly mamandar tájirıbelik kómekterin kórsetti. «Bul kóliktegi ishki ister dapartamenti qyzmetkerleriniń lańkestik pen

dinı uıymdar jónindegi tanym kókjıekterin keńeıtip, tájirıbelerin jetildiretin, sonymen qatar olardyń jarylǵysh zattarmen júrgiziletin jumystar barysyndaǵy biliktilikterin jetildiretin

ıgi shara. Sondyqtan onyń bizdiń qyzmetkerlermen udaıy uıymdastyrylýy óte paıdaly», dedi Іshki ister mınıstrliginiń Ortalyq kóliktegi ishki ister departamentiniń Ekstremızmmen kúres bóliminiń bastyǵy Talǵat Baltaev.

Otyrysta lańkestikpen kúres jónindegi beınematerıaldar tamashalanyp, qundy derekter taratyldy.