Astanada lańkestik áreket jaıly jalǵan aqpar bergen adam ustaldy
ASTANA. 13 qańtar. QazAqparat - Keshe Astana qalasynyń ІІD Jedel basqarý ortalyǵyna belgisiz er adam elordada terrorlyq áreket jasaýǵa daıyndyq júrgizilýde degen habar aıtty.
Bul týraly Astana qalasynyń ІІD baspasóz qyzmetinen habarlady. Arnaıy jedel-izdeý sharalaryn júrgizý kezinde Astana qalasynyń ІІD qyzmetkerlerimen QR ÁQK-nyń 336-baby boıynsha buryn jaýapkershilikke tartylǵan 1969 jyly týǵan azamat ustaldy. Tergeý barysynda S. esimdi azamattyń terrorlyq áreket jaıly habardy mas kúıinde bergeni anyqtaldy. Júrgizilgen sot-medıtsınalyq saraptama kúdiktiniń ishimdik ishkenin dáleldedi. Oǵan qatysty QR QK 242-babynyń 1-tarmaǵy boıynsha (Terrorlyq áreket týraly jalǵan aqparat bergeni úshin) qylmystyq is qozǵaldy. Ustalǵan adam Astana qalasynyń ІІD-niń ýaqytsha ustaý oqshaýlaǵyshyna qamaldy. Tergeý júrgizilip jatyr.
