Astanada «La PrimaVera» prezıdenttik kameralyq orkestriniń kontserti ótti

Kontsert barysynda elorda turǵyndaryna Davıd Popperdiń «Vıolonchelge arnalǵan kontserttik polonezi», Petr Chaıkovskııdiń «Shekti aspaptarǵa arnalǵan serenadasy», Djordj Meıerdiń «Aspan úshin» atty klassıkalyq shyǵarmasy oryndaldy.

Shekti kvartet 1994 jyly qurylǵan. 1995-1998 jyldary atalmysh toptyń shyǵarmashylyq jetekshisi Aıman Musaqojaeva boldy.

Ár jyldary kvartet sapynda B. Musaqojaeva, K. Joldybaev, A. Áıipova, G. Ahmedına, D. Shákirov, S.Tuıaqova syndy mýzykanttar qyzmet etti. 2006 jyly kameralyq mýzyka kvarteti «La PrimaVera» prezıdenttik kameralyq orkestri bolyp ataýyn ózgertti.

Kameralyq orkestrdiń dırıjeri - «Qurmet» ordeniniń kavaleri, Iork ýnıversıtetiniń magıstri, Qazaqstan Respýblıkasynyń eńbek sińirgen óner qaıratkeri Abzal Muhıtdınov. Orkestrdiń repertýarynda Qazaqstannyń tanymal shyǵarmalary, álemdik klassıka men dúnıejúzi halyqtarynyń ulttyq mýzykalary bar. Atalmysh ujym elimizdiń dıplomatııalyq, hattamalyq jáne túrli joǵary deńgeıdegi sharalardyń mýzykalyq bóligin qamtamasyz etedi. Sonymen qatar, Qazaqstannyń mádenı ómirine qatysyp, halyqaralyq sahnalarǵa da shyǵyp turady.

Olar TMD elderinde, Ulybrıtanııa, Italııa, AQSh, Túrkııa, Avstrııa, Belgııa, Malaızııa, Mysyr, Úndistan jáne basqa da elderde óner kórsetti.