Astanada «KZ-da jasalǵan» atty otandyq taýar óndirýshiler dúkeni ashyldy (FOTO)
Dúken Abaı dańǵylymen qıylysta, Kúmisbekov kóshesi boıynda ornalasqan. Munda Qazaqstannyń barlyq óńirlerinen 30-dan astam otandyq óndirýshiler ónimi usynyldy.
«Biz teledıdardan Qazaqstandaǵy jeńil ónerkásip ónimi jaıly turaqty túrde sıýjetterdi tamashalaımyz. Alaıda olardy qaıdan satyp alýǵa bolady? Osy suraqqa jaýap berý úshin biz ónimdi satýdy jeńil ónerkásip ónimderin óndirýshiler odaǵymen birlesip bir alańda shoǵyrlandyrýǵa tyrystyq. Bul óziniń jalǵasyn tabady degen senimdemiz, basqa da óńirlerde osyndaı dúkender ashylsa deımiz», - dep atap ótti jýrnalısterge bergen suhbatynda Astana qalasy kásipkerlik jáne ónerkásip basqarmasynyń basshysy Malıka Bekturova.
Bul dúkende satyp alýshy kıimniń barlyq assortımentin tabady: shulyq buıymdary, syrtqy, iskerlik kıim, aıaq kıim jáne t.b. budan basqa, munda súlgi, dastarqan, halattar da satylady.
