Astanada qyzylshanyń órshýi baıqalmaıdy
ASTANA. QazAqparat - Astanada egilmegen balalardyń arasynda qyzylshamen aýrýdyń maýsymdyq asqynýy baıqalǵanymen, qyzylshanyń órshýi oryn aldy deýge esh negiz joq, dep habarlaıdy elorda ákimdiginiń resmı saıty.
Qazirgi tańda qalalyq balalar juqpaly aýrýlar aýrýhanasynda qyzylshamen aýyrady degen kúdikpen 125 bala emdelýde. Qarashadan beri 169 bala emdelip shyqty. Aýrýdyń asqyný oqıǵalary joq.
Zerthanada 130 balaǵa qoıylǵan qyzylsha dıagnozy rastaldy.
«Kúnine orta eseppen emdeý kýrsynan ótken 10-15 bala aýrýhanadan shyǵarylady. Qalalyq balalar aýrýhanasynda nemese elordanyń basqa da emhanalaryna qyzylshaǵa shaldyqqan degen kúdikpen jatqyzylǵan patsıentter joq. Ózge adamnyń atynan jarııalanǵan aqparat jalǵan», - delingen Facebook áleýmettik jelisinde jarııalanǵan Astana qoǵamdyq densaýlyq saqtaý basqarmasynyń habarlamasynda.
Vedomstvonyń statıstıkalyq málimetine sáıkes, 2014 jyly Astanada qyzylshamen aýyrýdyń 50, 2015 jyly - 396, 2016 jyly - 6 jaǵdaıy tirkelse, 2017 jyly - birde bir jaǵdaı tirkelmegen.
«2015 jyly vaktsınamen halyqtyń kóp bóligi qamtyldy, sol sebepti 2016-2017 jyldary qyzylshamen aýyrǵandary sany azaıa tústi. Sizderdiń saýaldaryńyzǵa obektıvti túrde myna telefondar boıynsha jaýap beremiz: +77780127000», - dep málimdedi departamentte.
