Astanada qyzylshaǵa shaldyǵý 2 esege azaıdy - Jandarbek Bekshın
ASTANA. QazAqparat - Elimizdiń bas dárigeriniń aıtýynsha búginde elordada qyzylsha aýrýyna shaldyǵý jaǵdaıy eki esege azaıǵan, dep habarlaıdy QazAqparat tilshisi.
«Astanada qyzylshamen aýrý deńgeıi 2 esege azaıyp, qazirgi kezde 500 jaǵdaı tirkeldi. Al ótken aptanyń qorytyndysynda, atalǵan aýrýǵa shaldyǵý deńgeıiniń elimiz boıynsha azaıǵanyn baıqaımyz. Toqtalyp ótsek, Almatyda sanaýly ǵana jaǵdaı oryn aldy jáne elimizdiń 11 óńirinde kúndelikti qyzylsha aýrýy tirkelmedi», - dedi Jandarbek Bekshın.
Onyń aıtýynsha, qyzylshanyń alǵashqy belgileri - ol álsizdik, bas jáne tamaqtyń aýrýy jáne murynnan sý aǵý. Sonymen qatar, atalǵan aýrýdyń taǵy bir sımptomy - bórtpe shyǵady.
Buǵan deıin habarlaǵanymyzdaı eldegi qyzylsha juqtyrǵandardyń basym bóligi ýaqytynda ekpe almaǵan azamattar jáne ekpe jasatýǵa jasy jetpegen balalar.
