Astanada «Qyz Jibek» dramasynyń tusaýy kesiledi
«Qyz Jibek» lıro-epostyq dastany halqymyzdyń kóne muralarynyń biri jáne mahabbat jyrynyń eń kórkemi. Qoıylymda qazaqtyń ózara rýǵa, júzge bólinýiniń, baı-shonjarlardyń arasyndaǵy jer daýy, jesir daýy, jetim daýy tárizdes shıelenister shabýylǵa ulasyp, óz-ózimizdi obadaı ishimizden shiritken múshkil kúıimiz kórsetiledi. Birin-biri shyn súıgen Tólegen men Jibek, biraq áke batasynan attap ketken Tólegenniń ólimi men Jibektiń qaıǵyly taǵdyry talaı janarlarǵa jas úıiriltpeı qoımaıdy. Jibek beınesi - sulýlyq pen ásemdiktiń sımvoly, qazaq halqynyń maqtanyshy, rýhanı eskertkishi.
Ǵ.Músirepov pen E.Brýsılovskıı shyǵarmashylyǵyndaǵy «Qyz Jibek» mýzykalyq dramasynyń qoıýshy rejısseri - QR Daryn memlekettik jastar syılyǵynyń ıegeri Saılaý Qamıev.
Teatrdyń baspasóz qyzmetinen málim etkendeı, premera 29, 30 maýsym kúnderi ótedi.