Astanada qyz balany avtobýs qaǵyp ketti
ASTANA. QazAqparat - Astanada jaıaý júrginshilerge arnalǵan ótkelden joldy kesip ótip bara jatqan qyzdy avtobýs qaǵyp ketti, dep habarlaıdy QazAqparat tilshisi Astana polıtsııa departamentiniń baspasóz qyzmetine silteme jasap.
«Tańǵy 08:20 shamasynda Sh. Aıtmatov kóshesinde bolǵan jol apatyn polıtsııa tekserip jatyr. №61 baǵdardaǵy avtobýs jaıaýjoldaǵy júrginshini basyp ketken. Jaraqat alǵan qyz aýrýhanaǵa jetkizildi», - dep málimdedi baspasóz qyzmetiniń ókilderi.
Eske sala keteıik, 20 jeltoqsan kúni Astanada №54 avtobýs jaıaýjoldan ótip bara jatqan qyzdy qaǵyp ketken bolatyn. Ol júrgizýshi qazir jumysynan qýyldy.
Avtor: Azamat Syzdyqbaev
