Astanada qytaılyq ónerpazdar gala-kontsert ótkizedi
ASTANA. QazAqparat - 30 qańtarda Qytaı elshiliginiń uıymdastyrýymen «Beıbitshilik jáne kelisim» saraıynda «ShaolınTagoý» jaýyngerlik óner mektebiniń oqýshylarynyń qatysýymen «Kóńildi kóktem meıramy» atty gala-kontserti ótedi, dep habarlady astana.kz
Bul dástúrli shara Qytaı jańa jyly qarsańynda Astanada qatarynan 6-shy ret uıymdastyrylyp otyr. Kóktem meıramy - aspan asty eli úshin kóne ári basty dástúrli meıramnyń biri. «Sondyqtan, Qytaı elshiligi qazaqstandyqtardy, qytaı azamattaryn jáne ózge elshilikter ókilderin merekeni kóńildi kóńil- kúımen bólisýge shaqyrady», delingen habarlamada.
Gala-kontsertte «Chjenchjoý» bı jáne án teatrynyń ártisteri óner kórsetedi. Al «ShaolınTagoý» jaýyngerlik óner mektebiniń oqýshylary qazaqstandyq kórermender aldynda dástúrli qytaı bılerin oryndap, Shaolın Kýng-Fý ónerin kórsetedi. Kontsertte ý-shý sheberlerlik ádisteri kórsetilip, Erhý, Sýona aspaptary oınatylady.
