Astanada qytaı kınosy festıvali ótedi
BEIJІŃ. QazAqparat - Astanada 2017 jylǵy 7-18 maýsym aralyǵynda qytaı kınosy festıvali ótkiziledi, dep habarlaıdy «QazAqparat» HAA-nyń menshikti tilshisi.
Festıvaldiń ashylý saltanaty Nazarbaev ýnıversıtetinde bolady.
Qazaqstandyq kórermen nazaryna 6 kıno jaýharlary usynylady, olardyń úsheýi - Qytaıdaǵy eń tańdaýly kınotýyndylar, atap aıtsaq Djekı Channyń qatysýymen túsirilgen úndi jáne qytaıdyń birlesken kınosy «Kýng-fý ıoga» (Qytaıda 18 mln ıýan - 2,63 mln dollar jınady), qytaı-frantsýz fılmi «Qasqyr totemi» (7 mln ıýan, adamnyń janýarlarmen baılanysyn kórsetedi, oqıǵa QHR Іshki Mońǵolııa avtonomdyq aýdanynda bolǵan), «Qaterli isik myrza, ketińiz» (5,1 mln ıýan, Oskar-2015 kıno syılyǵynda Qytaıdy tanytqan fılm).
Qalǵan úsh kartınanyń tanymaldyǵy joǵary emes, alaıda onyń da óz qazaqstandyq kórermenderge aıtary bar. Máselen, Ómirde bolǵan oqıǵalar jelisimen túsirilgen «Shynaıy mahabbat» fılminde alty túrli ulttyń 19 balasyn asyrap alǵan uıǵyr áıeliniń ómiri baıandalady. Al «Іle ózeni» ara sharýashylyǵymen aınalysatyn otbasynyń ómiri jaıly aıtylsa, «Gúl» kartınasynda Qytaıdaǵy qazaq ártis qyzynyń taǵdyry kórsetiledi.
Qazaqstan Respýblıkasynyń QHR-daǵy Elshiliginiń keńesshisi Ábý-Tálip Aımahanovtyń málimdeýinshe, bolashaqta Qytaı jáne Qazaqstan birlesip kıno túsirý isin qolǵa almaqshy.
