Astanada qytaı azamatshasynyń baǵaly áshekeıin qaıtaryp bergen polıtsııa qyzmetkeri marapattaldy
ASTANA. QazAqparat - Astana qalalyq ІІD-iniń basshysy, polıtsııa general-maıory Amantaı Áýbákirov EKSPO aýmaǵynda jeke quram aldynda «Saryarqa» aýdany ІІB-niń esirtki bıznesimen kúres jónindegi toptyń jedel ýákili, polıtsııa kapıtany Ramız Safıýllaevke baǵaly syılyq - ataýly saǵatty tabystady, dep habarlaıdy qalanyń ishki ister departamentiniń baspasóz qyzmeti.
Buǵan deıin habarlanǵandaı, oıyn-saýyq ortalyǵy aımaǵynda mindetin atqaryp júrgen Ramız Safıýllaev asa qomaqty somanyń chegi bar baǵaly zergerlik buıym men onyń sertıfıkatyn taýyp alǵan. Baǵaly áshekeıler ıesine, QHR azamatshasyna qaıtaryldy, týrıst óz tarapynan polıtsııa qyzmetkerine alǵys bildirdi.
Budan ózge, elordalyq polıtsııa qyzmetkerleriniń qujattary men 5 mln teńge kólemindegi aqshasy bar ámııan taýyp alyp, ıesine qaıtarǵany úshin Pavlodar qalasynyń turǵyny Hamıt Haırýllın de tártip saqshylarynyń jedeldiligi men adaldyǵyna baılanysty alǵys aıtty.
