Astanada qysqy trıatlonnan jekelegen jarystar ótedi
NUR-SULTAN. QazAqparat - Táýelsizdiktiń 30 jyldyǵyna oraı elordadaǵy Trıatlon-parkte qysqy trıatlonnan jekelegen jarystar ótedi, dep habarlaıdy QazAqparat.
Qala ákimdiginiń baspasóz qyzmetinen málim etkendeı, tirkeý jarnalarynan túsken qarjy tolyǵymen «Teń múmkindikter álemi» qaıyrymdylyq qoryna, «Salamatty bolashaq» - «Sport barshaǵa! Sheksiz Sport!» áleýmettik jobalaryna aýdarylady. Joba erekshe bilim berý qajettiligi bar balalardyń dene shynyqtyrý jáne sport arqyly qoǵamǵa etene aralasýyna kómektesedi.
Qysqy trıatlonnan jyl saıynǵy jarystyń uıymdastyrýshylary - Nur-Sultan qalasynyń Dene shynyqtyrý jáne sport basqarmasy jáne Nur-Sultan qalasynyń Trıatlon federatsııasy.
Jarystar qysqartylǵan sýper-sprınt qashyqtyǵynda ótkiziledi: júgirý – 2 km; veloetap – 3 km; shańǵy – 2,5 km (barlyq kezeń bir sheńberde ótedi).
Chempıonatta ár sportshy jeke start arqyly qatysady, ýaqyt aralyǵy - kem degende 20 sekýnd. Oǵan 18 jáne odan joǵary jastaǵylar, medıtsınalyq qarsy kórsetilimderi joq azamattardyń barlyǵy qatysa alady.
Qashyqtyqty belgilengen ýaqyttan keshiktirmeı aıaqtaǵan árbir qatysýshy máre syzyǵynda estelik medal jáne dıplomdarmen marapattalady.
Ózderiniń jas sanattary boıynsha 1-3 oryn alǵan sportshylar 23-25 aqpanda Nur-Sultan qalasynyń Trıatlon federatsııasynyń keńsesinde marapattalady.
Jarysqa qatysýshylardyń sany jyl saıyn artyp keledi. Olardyń arasynda kásibı sportshylar men áýesqoılar da bar. Sonymen qatar, sporttyq is-shara qala turǵyndary men qonaqtaryna aıtarlyqtaı áser etedi, bul olardy sportqa jáne salaýatty ómir saltyna baýlıdy.
Búgingi kúni jarysqa qatysý úshin 173 adam tirkeldi.
Esterińizge sala keteıik, chempıonat 21 aqpan kúni Trıatlon parkinde, saǵat 08:45-te bastalady.
Jarys barlyq sanıtarlyq normalardy saqtaı otyryp ótkiziledi.
