Astanada qysqy sport túrleri boıynsha bıyl 20-dan astam is-sharalar uıymdastyrý josparlanǵan
ASTANA. QazAqparat - Bıyl jospar boıynsha elordada 23 qysqy sporttyq is-sharalar ótkiziledi, dep habarlanǵan Astana qalasy ákmidginiń resmı saıtynda.
Astana qalasynyń Týrızm, dene shynyqtyrý jáne sport basqarmasynyń habarlaýynsha, qysqy maýsym bastalǵaly elordada 12 is-shara ótkizildi. Qala turǵyndary men qonaqtary «Kóńildi start», konkı tebý jáne shańǵy jarystaryna qatysty. 13 ashyq muz aıdyny jasaldy. Olar «Aqbulaq» ózeninde, «Jeruıyq» parkinde, Esil ózeninde, sondaı-aq 10 mekteptiń janynda ornalasqan. Astana qalasy Týrızm, dene shynyqtyrý jáne sport basqarmasynyń habarlaýynsha, qysqy sharalarǵa qatysýshylar men kelýshiler sany 4 500-den asady. Bıyl jospar boıynsha elordada 23 qysqy is-shara ótkiziledi. Oǵan JOO stýdentteri, memlekettik qyzmetkerler, mektep oqýshylary, qala turǵyndary men qonaqtary qatysady. Іs-sharalar boıynsha aqparat astana.kz saıtynda aldyn ala jarııalanatyn bolady. «Biz josparlaǵan is-sharalar tolyq ótkiziledi. Aqpan aıynyń sońynda «Burqasyn» is-sharasy uıymdastyrylady. Bul sport mektepteri, jalpy bilim berý mektepteriniń áýesqoılary, kolledjder men ýnıversıtetterdiń stýdentteri qatysatyn shańǵy sportyna arnalǵan festıval. Óte mańyzdy shara», - deıdi Astana qalasy Týrızm, dene shynyqtyrý jáne sport basqarmasy basshysynyń orynbasary Samat Qabdýlın. Shańǵy sportynan jarystar shańǵyrollerlik trassada, «Kóńildi starttar» jáne konkımen júgirýden jarystar Aqbulaq, Esil ózenderinde, sondaı-aq «Jeruıyq» parkinde ótkiziledi. Dástúr boıynsha jappaı konkı tebý sharalary «Alaý» muz saraıynda uıymdastyrylady.
