Astanada qysqy sport maýsymy bastaldy
ASTANA. 23 jeltoqsan. QazAqparat - Astanada 22 jeltoqsan kúni qysqy sport maýsymyna bastaý berildi.
Astana qalalyq týrızm, dene shynyqtyrý jáne sport basqarmasynyń málimetine sáıkes, dástúrli sporttyq mereke belsendi demalysty unatatyn qala turǵyndary men kásibı sportshylardyń qatysýymen shańǵy jarysymen atap ótildi. Elordalyqtardy qoldaýǵa úzdiksiz jarystarǵa baılanysty tek astanada emes, Qazaqstanda ara-tura ǵana kórýge bolatyn tanymal shańǵyshy Mark Starostın keldi.
1999 jyldan joǵary týǵandar arasyndaǵy balalar - bir shaqyrym qashyqtyqqa, 1995-1998 jyldarǵy qatysýshylar - úsh shaqyrymǵa, ardagerler - úsh shaqyrymǵa júgirdi. Qalalyq kúsh qurylymdarynyń qyzmetkerlerine jeke start berildi. Erler jáne áıelder arasynda alǵashqy bolyp márege QR Ulttyq gvardııasynyń ókilderi jetti.
Eń sońǵy jarystar buqaralyq boldy. Oǵan qatysýshylardyń sany áldeqaıda kóp boldy. Biraq bul qashyqtyqta eshkimniń jeńiske degen úmiti bolmady. Sebebi, oǵan Mark Starostınniń ózi qatysty.
Jańadan ashylǵan shańǵy maýsymy sporttyq jarystarǵa, shańǵy festıvaldaryna, buqaralyq konkı tebý sharalaryna toly.
