Astanada qys sýyq ári uzaq bolady dep boljanýda
ASTANA. QazAqprat - Bıyl Astanada qys qatty bolady dep kútilýde. Qazan aıynyń qara sýyǵynan keıin qarasha aıynyń alǵashqy eki aptasynda kún jaýyn-shashyndy bolyp, jylylyq saqtalady. Alaıda, qarashanyń úshinshi onkúndiginde aıaz kúshine enedi. Sınoptıkterdiń boljamynsha, túnde aýa temperatýrasy - 26° tómendese, kúndiz - 20° deıin sýytady.
Astana qalasy «Qazgıdromet» RMK Aýa raıyn uzaq merzimge boljaý basqarmasynyń basshysy Gúlmıra Ardashqyzy: «Jeltoqsan aıy sýyq bolady dep boljanýda. Bul kezde aýa temperatýrasy túnde - 25 ° - 30 °, kúndiz - 20 ° - 25 ° tóńireginde bolady. Uzaq merzimdi boljam boıynsha Jańa jyldy ushqyndy qarmen jáne aıazdy kúndermen qarsy alýymyz ábden múmkin», - deıdi.
Al, qańtar aıynda qys qaharyna minedi. Bul kezde aýanyń synap baǵynasy - 43° jetedi. Kúndiz - 25° - 30° aıaz saqtalady.
Sondaı-aq, Gúlmıra Ardashqyzy: Qatygez qys bizdiń klımatymyz úshin úırenshikti. Eshqandaı aýytqýsyz deýge bolady. 2012 jyly jeltoqsan aıynyń 15-de qaqaǵan aıaz - 40 °-qa jetken bolatyn. Dál osy 15 jeltoqsanda eń tómengi mınımým -44 ° jetti. Biz osyndaı qaqaǵan aıazdy kútip otyrmyz», dep pikir bólisti.
Al, kóktemde qubylmaly aýa raıy saqtalyp, sýyq kúnder kóktemniń jaıma shýaq kúnderimen almasady.
