Astanada «Qys órnegi» shańǵy festıvali ótti
ASTANA. QazAqparat - Astanada Esil ózeninde EHRO-2017 halyqaralyq mamandandyrylǵan kórmesine oraılastyrylǵan «Qys órnegi» shańǵy festıvali ótti, dep habarlaıdy qala ákimdiginiń saıty.
Elorda ákimdiginiń qoldaýymen 17-shi ret uıymdastyrylǵan dástúrli sharaǵa ulttyq sport federatsııasynyń ókilderi, oqýshylar men stýdentter, memlekettik qurylymdardyń, kásiporyndardyń qyzmetkerleri, qala turǵyndary qatysty. Sharaǵa qatysýǵa 1000 jýyq adam ótinim bergen. Eń kishkentaı qatysýshynyń jasy 11-de, eń úlkeni - 60 jasta.
Shańǵy festıvalin elorda ákiminiń orynbasary Ermek Amanshaev ashty. Qatysýshylar 1 km jáne 3 km qashyqtyqta kúsh synasty. Budan basqa, gir kóterý, armrestlıng, shaǵyn fýtbol, balyq aýlaý, arqan tartý, beldikpen kúres, hokkeı, motokross saıystary ótkizilip, sondaı-aq Ulybrıtanııa, Úndistan, Pákistan, AQSh pen OAR elshilikteri men sheteldik uıymdardyń qatysýymen krıket oıyny oınatyldy.
Astana qalasynyń dene shynyqtyrý jáne sport basqarmasy basshysynyń orynbasary Samat Qabdýllın atap ótkendeı, jyl saıyn «Qys órnegi» sharasyna qatysýshylar sany artyp keledi.
