Astanada qys bastalǵaly 3,4 mln tekshe metrden astam qar shyǵaryldy
ASTANA. QazAqparat – Astanada kommýnaldyq qyzmetter qys mezgili bastalǵaly kúsheıtilgen rejımde táýlik boıy jumys istep keledi. Kún saıyn qar kúreý jumysyna 2 myńǵa jýyq jumysshy jumyldyrylady, dep habarlaıdy QazAqparat.
Astana ákimdiginiń resmı saıtynda málim etilgendeı, aqpannyń 22-sinen 23-ine qaraǵan túni ǵana qaladan 17,5 myń tekshe metr nemese 1 358 reıs qar shyǵaryldy.
Beısenbi kúni tańerteń qar kúreýge 2 myńnan astam jumysshy men 1 myńǵa jýyq arnaıy tehnıka jol boıyna tartyldy.
«Qys mezgiliniń basynan qar polıgondaryna 3,4 mln tekshe metrden astam qar shyǵaryldy, bul 276 988 reıske teń.
Aýa raıynyń qubylmalylyǵyna jáne temperatýranyń ózgerýine baılanysty kóshede kóktaıǵaq bolady. Qala turǵyndary men qonaqtary kóktaıǵaq kezinde qaýipsizdik erejelerin saqtap, abaı bolýy kerek. Azamattardyń emin-erkin júrýi úshin joldarǵa, trotýarlarǵa, kóshelerge qum-tuz qospasy shashylady», - delingen ákimdik málimetinde.
