Astanada qyrkúıektiń 10-na deıin jol qaýipsizdigi úshin polıtsııa patrýli mektepterge jaqyn ornalastyrylady (FOTO)
ASTANA. QazAqparat - Búgin Astana qalasy ІІD ákimshilik polıtsııa basqarmasynyń qyzmetkerleri qala mektepterinde ótken alǵashqy qońyraý rásimderine qatysyp, barlyq elordalyq oqýshylardy jańa oqý jylynyń bastalýymen quttyqtady, dep habarlady qalalyq ákimdiktiń baspasóz qyzmetinen.
Elorda mektepterinde uıymdastyrylǵan jedel-profılaktıkalyq sharalar aıasynda ІІD ÁPB qyzmetkerleri jol júrý erejesiniń qaýipsizdigi, balalar zardap shegip jatatyn jol apattary týraly eskertti. Ásirese, birinshi synyp oqýshylary jiti baqylaýdy talap etedi. Jol erejelerin saqtaý boıynsha birińǵaı ashyq sabaq ótkizý kezinde jol polıtsııasy qyzmetkerleri oqýshylarǵa jol erejesi, kólik túrleri, jol belgileri týraly keńinen baıandady. Birinshi synyp oqýshylaryna arnalǵan arnaıy dárister kezinde ákimshilik polıtsııa ókilderi balalarǵa úıden mektepke deıin jetý kezindegi qaýipsizdik sharalaryn qalaı saqtaý kerektigin túsindirdi. Aktsııanyń basty maqsaty - balalar travmatızmine jol bermeý, tómengi synyp oqýshylaryna jol qaýipsizdigi týraly eskertý bolyp tabylady. Budan bólek, qyrkúıektiń 1-10 aralyǵynda oqýshylardyń joldaǵy qaýipsizdigin qamtamasyz etý úshin polıtsııa beketteri men patrýl marshrýttary mektepterge meılinshe jaqyn ornalastyrylady.
