Astanada Qyrǵyzstan azamaty 11 keli geroınmen ustaldy
ASTANA. QazAqparat - 1 shildede shamamen saǵat 21.00-de «Rýbej» beketinde jol-patrýldiń polıtsııanyń qyzmetkerleri «Wolkszwagen Passat» kóligin toqtatyp, onyń júrgizýshisi 52 jastaǵy Qyrǵyzstan azamatynan 11 keli geroındi tárkiledi.
Kólikti tintý barysynda «Lında» qyzmettik ıti bamperdiń mańynan belgisiz zattyń ıisin sezdi. Dál sol jerden untaq zaty salynǵan 13 paket tabyldy. Barlyq paketterde «777» belgisi, qyran sýreti men arab áripterimen jazylǵan sózderi bar móri bolǵan. Saraptama jumystarynan soń bul untaq geroın ekeni anyqtaldy. Esirtki zatynyń jalpy salmaǵy 11 kelini quraǵan.
Qazirgi ýaqytta Astana qalasynyń ІІD Esirtki bıznesine qarsy kúres basqarmasynyń qyzmetkerleri esirtkiniń shyǵý kózderin, ony satýdyń amaldary men ustalǵannyń Astana aýmaǵyndaǵy esirtkige qatysty qylmystarǵa qatystylyǵy bar-joǵyn anyqtaý boıynsha jedel-izdestirý sharalary júrgizilýde. Ustalǵan Astana qalasynyń ІІD ýaqytsha ustaý ızolıatoryna qamaldy. Atalǵan fakti boıynsha QR QK 259-baby 3-tarmaǵyna sáıkes qylmystyq is qozǵaldy.
