Astanada qyrǵyz-tájik shekarasyndaǵy jaǵdaı talqylanady

BІShKEK. QazAqparat – 13 qazanda Qyrǵyzstan men Tájikstan prezıdentteri Reseı Federatsııasynyń yqpaldastyǵymen Astanada ótetin Azııadaǵy ózara is-qımyl jáne senim sharalary jónindegi keńestiń VI sammıti aıasynda qyrǵyz-tájik shekarasyndaǵy shıelenister boıynsha úshjaqty kezdesý ótkizedi. Bul týraly Qyrǵyzstan prezıdentiniń baspasóz hatshysy Erbol Sultanbaev málim etti, dep habarlaıdy QazAqparat menshikti tilshisi.

Qyrǵyz Respýblıkasynyń basshysy Sadyr Japarov pen Tájikstan Respýblıkasynyń basshysy Emomalı Rahmonnyń birlesken kezdesýi Reseı prezıdenti Vladımır Pýtınniń bastamasymen uıymdastyryldy. Ol Qyrǵyzstan men Tájikstan arasyndaǵy shekara máselelerin sheshýge kómek kórsetýge daıyn ekenin bildirdi.

Buǵan deıin habarlanǵandaı, 12-13 qazanda Astanada Azııadaǵy ózara is-qımyl jáne senim sharalary jónindegi keńestiń VI sammıti ótedi. Oǵan Ázerbaıjan, Irak, Iran, Qazaqstan, Qatar, Qyrǵyzstan, Palestına, Reseı, Tájikstan, Túrkııa, Ózbekstan jáne Belarýs basshylary, Vetnam vıtse-prezıdenti jáne QHR tóraǵasynyń orynbasary qatysady.

Foto: kabar.kg