Astanada qyrǵyz sýretshisi Býzýrmanqul Myrzalıevtiń kórmesi ótýde
ASTANA. QazAqparat - «Astana» ulttyq kartına gelereıasynda Qyrǵyz Respýblıkasynyń sýretshisi Býzýrmanqul Myrzalıevtiń halyqaralyq jeke kórmesi ótip jatyr.
Ekspozıtsııada túrli túster men ekspozıtsııalardyń áralýandyǵymen erekshelenetin peızaj, natıýrmort sııaqty qyzyqty dúnıeler bar.
Býzýrmanqul Myrzalıev - 1957 jyly Qyrǵyzstan Respýblıkasy Talas qalasynda týǵan. Kórkem sýret boıynsha Frýnze kórkem ýchılışesinde bilim alǵan. Jas kezinde sýret salýmen aınalysyp, shyǵys jekpe-jegine kóp qyzyǵýshylyq tanytqan.
Keıinnen shyǵys jekpe-jegimen aınalysý hobbıge aınalyp, sportqa degen qushtarlyq Kýn-Fýdy tereńnen meńgerýge ıtermeledi. 1990 jyldan bastap Vetnam sheberlerinen bilim alyp, kúres óneriniń nusqaýshy-ádisker biliktiligimen attestattaýdan ótedi.
Shyǵys jekpe-jegimen aınalysý ýaqytynda jaýyngerlik óner sheberleri Stıven Sıgal jáne Bolo ıAngpen kezdesip, jaqyn dostarǵa aınaldy.
Ol barlyq shaǵarmashylyǵyna áıeline jáne onyń mýzasy, qanattasy, sulý Cholpanǵa degen mahabbatyn arqaý etedi. Olardyń mahabbat tarıhy qyrǵyz jigiti Raımaly men qazaq qyzy Begimaıdyń ańyzyna uqsas.
Sportpen aınalysqanda, sanasyna kórkem beıneler kelip, sýret salǵanda, kýn-fý fılosofııasyn basshylyqqa alady.
