Astanada Qyrǵyz elshiligine «jarylǵysh zat qoıǵan» telefon lańkesi qamaýǵa alyndy
ASTANA. 12 shilde. QazAqparat - Astana qalasy Esil aýdandyq soty lańkestik aktisi týraly kórineý jalǵan habarlaǵany úshin ustalǵan azamatqa qatysty qamaýǵa alý bultartpaý sharasyn qoldanýdy úkim etti.
Bul týraly Astana qalalyq ІІD baspasóz qyzmetinen málim etti.
Esterińizge sala keteıik, 8 shilde kúni saǵat 18:00 shamasynda «Esil» aýdandyq ІІB kezekshilik bólimine belgisiz bireý qońyraý shalyp, Qyrǵyz Respýblıkasynyń elshiligine lańkestik áreket jasalatyndyǵy týraly habarlady.
Oqıǵa ornyna jedel túrde arnaıy jasaq jiberilip, ǵımarattan 5 adam qaýipsiz jerge shyǵaryldy. Abyroı bolǵanda, tekserý kezinde jarylǵysh zat anyqtalmady. Jedel-izdestirý sharalary barysynda birneshe saǵattan keıin tártip saqshylary Astana qalasynyń 34 jastaǵy turǵynyn ustady.
Al kúdikti lańkestik oqıǵanyń uıymdastyrylyp jatqandyǵy týraly qońyraý shalǵanda mas kúıinde bolǵanyn aıtyp, aqtaldy. Qazir bul faktige qatysty QR QK-niń 242-baby boıynsha qylmystyq is qozǵaldy.
Ustalǵan azamat ІІD-niń tergeý abaqtysynda.
