Astanada Qymyz meıramy atalyp ótýde (FOTOREPORTAJ)
Merekege Astana turǵyndary men qonaqtary úshin 2 kıiz úı tigilip, qymyz, ystyq baýyrsaq pen basqa da qazaqtyń ulttyq taǵamdary usynyldy. Kelýshilerge Astanadaǵy Qalıbek Qýanyshbaev atyndaǵy akademııalyq qazaq mýzykalyq drama teatry ártisteriniń ata-babamyzdan qalǵan «Kelin túsirý» salt-jorasyn jáne qazaqtyń ulttyq sýsyny týraly teatrlandyrylǵan qoıylymy kórsetildi. Keshen aýmaǵynda altybaqan ornatylyp, áralýan ulttyq kıim túrleri kópshilik nazaryna usynyldy.
Sharany uıymdastyrýshy Astana opera murajaıynyń dırektory Aprıza Qusaıynqyzy qymyzdyń salaýatty ómir saltyn qalyptastyrýda mańyzy zor ekenin aıtty.
«Qazaq handyǵynyń 550 jyldyǵy men Assambleıanyń 20 jyldyǵyn merekeleý aıasynda ótkizilip otyrǵan bul sharamyz «Qymyz meıramy» folklorlyq-etnografııalyq merekesi dep atalady. Qymyzdyń, eń aldymen, adam densaýlyǵyna emdik qasıeti basym. Іshken adamnyń boıyn sergitip, búkil aǵzalaryn qýattandyrady. Qazirgi ýaqytta qalamyzdyń qaı jerinen bolmasyn qymyzdy satyp ala alasyz. Qasıeti mol bul sýsyn ekiniń biriniń úıinen tabylady deýge bolady. Bul - óte úlken qýanysh. Óıtkeni ulttyq sýsyn qymyzdyń salaýatty ómir saltyn qalyptastyrýda roli zor. Sondyqtan biz qos merekeniń qurmetine oraı, salaýatty ómir saltyn dáripteýge óz úlesimizdi qosý úshin osyndaı mereke ótkizip otyrmyz», - dedi A. Qusaıynqyzy.
Keshen aýmaǵynda altybaqan ornatylyp, áralýan ulttyq kıim túrleri kópshilik nazaryna usynyldy. Sonymen qatar, «Qymyz meıramy» folklorlyq-etnografııalyq merekesinde búrkitshiler de óz sheberlikterin ortaǵa salatyn bolady. Atalǵan óner ujymy kelýshilerge qazaqtyń ulttyq sýsyny týraly teatrlandyrylǵan qoıylymyn usyndy.
Mereke qonaqtary arqan tartý jáne qol kúresi syndy ulttyq oıyndarda kúsh synasty. Sondaı-aq, qala turǵyndary qymyz ishý saıysyna qatysyp, atalǵan sýsyn týraly bilgenderin ortaǵa saldy.
Saǵat 11:00-18:00 deıin jalǵasatyn merekege kelýshiler qymyzdan dám tatyp, qazaqtyń ulttyq sýsynynyń tarıhymen tanysady.
Beısen Sultan
