Astanada qymbat kólikke jalǵan qujat jasaıtyndar júr
ASTANA. QazAqparat - Astanada qymbat kóliktiń ıeleri alaıaqtardyń qurbanyna aınaldy, dep habarlaıdy «QazAqparat» HAA tilshisi ІІD-nyń baspasóz qyzmetine silteme jasap.
Astana qalasy ІІD tergeý basqarmasy qymbat kólikterge jasalǵan alaıaqtyq derekter boıynsha birqatar qylmystyq isterge tekserý júrgizdi. Kúdiktiler kólikti jalǵa alý kelisimderin jasap, artynsha jalǵan qujat jasaý jolymen ony úshinshi tulǵalarǵa zańdastyrǵan.
«Atalǵan qylmystar boıynsha 22 jastaǵy Raýan Naızabaı kúdikke ilinip otyr. Eger siz atalǵan tulǵanyń alaıaqtyq isteriniń qurbany bolsańyz, (87172) 71-62-27, 71-63-63, 8-777-022-27-07 baılanys telefondaryna habarlasýyńyzdy suraımyz», - delingen polıtsııa habarlamasynda.
