Astanada qylmystyq top 40 shaqty qyzben tanysyp, ıntım sýretin alyp alǵan soń olardan aqsha talap etken
ASTANA. QazAqparat - Elordalyq polıtseıler bopsalaýmen aınalysqandardy anyqtady, dep habarlaıdy QazAqparat.
Astana qalasy Polıtsııa departamentiniń uıymdasqan qylmysqa qarsy kúres basqarmasynyń qyzmetkerleri jedel izdestirý is-sharalaryn júrgizý barysynda qyzdardan ıntımdik sýretterin jarııa etpeý úshin aqsha bopsalaǵan toptyń izine tústi.
Tergeý barysynda belgili bolǵany, atalǵan quqyq buzýshylar qyzdarmen Instagram jáne Telegram áleýmettik jelilerinde tanymal reseılik blogerdiń atynan feık akkaýnt arqyly tanysqan.
Uzaq hat almasý arqyly olar qyzdardyń senimine kirip, sodan keıin ıntım fotosýret almasýdy usynǵan.
Sóıtip kompromatty fotosýretterdi qysym jasaý quraly retinde paıdalanyp, bedelin túsiretin aqparatty jarııa etemiz dep qorqytyp, aqsha talap ete bastaǵan.
Buǵan qosa, senimge kirgen olar belgi qoıyp, akkaýntty jyljytý jáne basqa da qyzmetterdi kórsetý úshin Instagram áleýmettik jelisine tirkelýdi usynǵan.
Qazirgi ýaqytta kúdiktilege qatysty aqparattyq júıeni paıdalanýshylardy aldaý jáne senimine qııanat jasaý arqyly bopsalaý jáne alaıaqtyq boıynsha 40 fakti anyqtaldy.
Qylmystyq Kodekstiń 190 jáne 194 baptary boıynsha sotqa deıingi tergeý amaldary júrip jatyr.
Qylmystyq-protsestik kodekstiń 201-baby negizinde sotqa deıingi tergep-tekserýdiń ózge de derekteri jarııa etilmeıdi.
