Astanada qylmystyq kórsetkish azaıǵan
ASTANA. QazAqparat - Ótken aptada Astanada 750 qylmys tirkeldi. Bul ótken jylǵy kezeńmen salystyrǵanda 22 paıyzǵa azaıǵany baıqalady. Astana qalalyq ІІD-niń bastyǵy Amantaı Áýbákirovtiń aıtýynsha, qalada tirkelgen qylmystyń basym bóligin syrttan kelgen azamattar jasaıdy, dep habarlaıdy elorda ákimdiginiń medıa ortalyǵy.
«Sergek» beınebaqylaý kameralarynyń kómegimen19 qylmystyń beti ashyldy. 1,9 myńnan astam (1949) ákimshilik quqyq buzýshylyq pen 608 JQE buzý faktisi anyqtaldy. Tájirıbe kórsetip otyrǵandaı, qalada tirkelgen qylmystardyń basym bóligin ózge óńirlerdiń azamattary jasaǵan», - dedi Astana ákimdiginde ótken apparat jınalysynda ІІD-niń bastyǵy Amantaı Áýbákirov.
Departament bastyǵy 15 qarashada elordada 12 keńsege qaraqshylyq shabýyl jasaǵan BQO, ShQO jáne Aqmola oblystarynyń turǵyndary ustalǵanyn aıtty. Buǵan qosa, elıtaly kólikterdi urlaýmen aınalysqan eki qylmystyq top qolǵa tústi.
Aıta keteıik, búginde Astanada 983 sheteldik azamat pen (onyń 336 alys shet elderden, 647 TMD elderinen) 1,3 myńnan astam (1359) QR azamaty ýaqytsha tirkeýde tur. Turaqty tirkeýge 2724 QR azamaty alyndy. 85 sheteldik pen 27 Qazaqstan azamaty ákimshilik jaýapkershilikke tartyldy.
Jalpy atalǵan aralyqta elimizdiń ózge aımaqtarynan jáne basqa elderden kelgen 37 adam jasaǵan qylmysy úshin qamaýǵa alyndy.
