Astanada qylmystyq-atqarý júıesiniń qyzmetkerleri ant qabyldady
ASTANA. Mamyrdyń 6-sy. QazAqparat /Ǵalymjan Hasenov/ - Otan qorǵaýshy kúni jáne Uly Jeńistiń 65 jyldyǵy qarsańynda qylmystyq-atqarý júıesiniń jas qyzmetkerleri ant qabyldady, dep habarlady Komıtettiń Astana qalasy boıynsha basqarmasynan.
Qylmystyq-atqarý júıesi komıtetiniń Astana qalasy boıynsha basqarma bastyǵynyń orynbasary ádilet polkovnıgi Ermekbaı Qojahmetovtyń aıtýynsha, búgin basqarmanyń 17 jas qyzmetkeri halyqqa jáne el Prezıdentine adal qyzmet etýge, Ata zańdy jáne Qazaqstan Respýblıkasynyń barlyq zańnamalaryn qatań saqtaýǵa, óz qyzmetterinde zańdylyq pen ádilettik qaǵıdalaryn ustanýǵa, sondaı-aq azamattardyń konstıtýtsııalyq quqyqtary men bostandyqtaryn shekteýge jol bermeýge ant berdi.
Qalyptasqan ıgi dástúr boıynsha búgingi is-shara saltanatty jaǵdaıda ótti jáne ol Astanadaǵy Keńes Odaǵynyń Batyry Baýyrjan Momyshulynyń eskertkishine gúl shoqtaryn qoıý rásiminen bastaldy.
