Astanada qylmys kórsetkishi 20,2% tómendedi
ASTANA. QazAqparat - 2017 jyldyń on aıynyń qorytyndysy boıynsha astanada krımınaldyq ahýalǵa jasalǵan taldaýdyń nátıjesi qylmystyń 20,2% tómendegenin kórsetti, dep habarlaıdy QazAqparat elorda ákimdiginiń medıa ortalyǵyna silteme jasap.
Qylmys 34 812-den 27 795-ke deıin tómendegen. Onyń ishinde kóshelerde jasalǵan qylmys - 24,2%, qoǵamdyq oryndarda - 13,5%, kámeletke tolmaǵandar jasaǵan qylmys - 2,1%.
Qazirgi tańda polıtsııalardyń qoǵamdyq kómekshileri belsene jumys isteýde, olardyń sany 858 azamatqa jetken.
2017 jyldyń qorytyndysy halyqtyń jergilikti polıtsııa qyzmetiniń jumysyna degen senimi artqanyn, qylmystyń azaıǵanyn kórsetedi.
