Astanada «Kúzgi syılyq» kórme-jármeńkesi ashyldy

Kórme dırektory Dana Morozovanyń aıtýynsha, oǵan alys jáne jaqyn shet memleketterden, atap aıtqanda Germanııa, Reseı, Ýkraına, Úndistan, Ózbekstan, Qyrǵyzstan, Italııa, Mońǵolııa, Túrkııa, Ispanııa, Japonııa elderinen jáne Almaty men Astana qalalarynan 70-ke tarta kompanııa qatysýda.

Dástúrli bolyp ketken kórmede bıyl da jyldaǵysyndaı altyn, kúmis jáne baǵaly tastardan jasalǵan zergerlik buıymdar, kosmetıka, qolóner zattary men jeńil ónerkásip ónimderi, balalarǵa arnalǵan taýarlar, úı, tósek jabdyqtary, jıhazdar, kilemder, gúlder jáne kádesyı buıymdary qoıylǵan.

Kórme dırektorynyń aıtýynsha, Astana jurtyna kóbine-kóp zergerlik buıymdar úlken qyzyǵýshylyq týǵyzady eken. Búgingi sharada 20-dan astam pavılon zergerlik zattar usynyp otyr.

«Mynda byltyrǵy jyldarmen salystyrǵanda jańashyldyqtar óte kóp. Kórmede zamanaýı saýyqtyrý júıelerin, jańa tehnologııalyq sheshimderdi, zergerlik pen kıim-keshek sánindegi jańa álemdik úrdisterdi kórýge bolady», dep atap kórsetti D. Morozova.